فـ تطور خطير، جمعية “جوهرة الرياضي” فـ سيدي رحال الشاطئ كتستنكر تصرفات وصفتها بغير المقبولة واللّي استهدفت أعضاءها والمُدرّبين ديالها، حتى وصلات لتهديدهم بالمنع من دخول الملعب مرة أخرى! هاد الشي جا فـ بلاغ رسمي خرجاتو الجمعية يوم 21 نونبر 2024.
البلاغ كيقول أن هاد التصرفات ماشي عادية، حيث جات تزامناً مع نجاح أنشطة الجمعية فـ تنظيم تظاهرات رياضية احتفالا بأعياد وطنية ، بحال ذكرى المسيرة الخضراء وعيد الاستقلال، وكاتّهم المتورطين بمحاولة تشويه سمعة الجمعية بسبب خلافات شخصية أو سياسية .
الجمعية طالبات من الجهات المسؤولة التدخل العاجل لحماية أعضاءها وضمان استمرارية الأنشطة الرياضية فـ ظروف آمنة وخالية من أي ضغوط . هاد النداء جا فـ سياق كتحاول فيه الجمعية تبني قيم الرياضة والتعاون وتنمية المواهب فـ المنطقة .
