ديريكت برشيد .
صادق المجلس الوطني ديال حزب الاستقلال، اليوم السبت، على اللائحة اللي اقترحها الأمين العام نزار بركة، واللي ماكانش فيها فواد القادري، المنسق الجهوي ديال الحزب فجهة كازا-سطات، واللي معروف ايضا في الجهة بمول صفقة المسالك القروية بالبياضة و تخسرات فيها الملايير بلا فايدة.
واحد المصدر من داخل الحزب أكد أن القادري، اللي كيعرفوه الناس ب ” خو مول برشيد”، ما غاديش يبقى منسق جهوي فجهة كازا-سطات. وحسب نفس المصدر، عبد اللطيف معزوز هو اللي غادي يشد المسؤولية فكازا،و عثمان الطرمونية خارج الجهة.
نفس المصدر قال أن القادري وخوه خرجو كاعيين من الاجتماع ديال المجلس الوطني حيت ما لقاوش راسهم فاللائحة ديال اللجنة التنفيذية الجديدة، وغادرو الجلسة وهما محبطين بعدما ما دارتش عليهم الدورة.
وفنفس السياق، المصدر زاد وقال أن القادري غادي يلقا راسو فوسط تحقيق مالي على شي 20 مليار سنتيم اللي خداها كقرض من القرض الفلاحي باش يدير مشروع نواحي سطات، ولي مازال ماكملش حتى لدابا. هاد القضية غادي تشعل جدل كبير داخل الحزب وخارجه،
حنا فانتظار النتائج ديال هاد التحقيقات.