بعد النجاح الكبير للنسخة الأولى من موسم التبوريدة سيدي داوود في دوار حمداوة بجماعة الساحل أولاد احريز، تستعد جمعية أمل الساحل للتنمية والتضامن لتنظيم النسخة الثانية بمناسبة عيد العرش المجيد. لكن مع الأسف، كاينين شخصيات سياسية منتخبة كتمارس ضغط على السلطات المحلية باش يمنعو التنظيم سيما و انهم باغين يعطيو التنظيم لجمعية تابعة ليهم و يسيسو الحدث .
النسخة الأولى ديال الموسم الصيف اللي فات كانت ناجحة بزااف، وما كانش فيها دعم مالي من الجماعة . الناس اللي حضرو استحسنو المبادرة حيث المنظمين رجعو إحياء موسم توقف أكثر من أربعين سنة و خلق رواج .
بدل ما يدعمو المسؤولين المحليين هاد المبادرات اللي كتحافظ على التراث المغربي، كنلقاوهم كيحاولو يحرموا الساكنة من حقهم في تنظيم الموسم والاحتفال بعيد العرش المجيد واش هاذ المنتخبين باغين يحرمو الساكنة من الفرحة بعيد العرش؟.
دابا ما بقى للجمعية والساكنة غير يطلبو تدخل نور الدين أوعبو، عامل إقليم برشيد، اللي معروف بحبّه للتبوريدة والتراث الشعبي المغربي، باش ينصفهم ويدعم هاد النشاط اللي كيحافظ على التراث الأصيل.
