تطورات جديدة عرفها ملف لحشيش ديال بلانكا بيتش اللي الداخل ليها معروف و الخارج منها معروف . بعد ما تم تقديم المتهمين والمشتبه بهم أمام النيابة العامة ، وكيل الملك ببرشيد قرر يحيل المتهمين و المصرحين لي وصل العدد ديالهم لتسعة اشخاص لحدود الساعة و العدد غادي يتزايد ، على قاضي التحقيق لمتابعة التحقيق في القضية و هادي هي التهم الموجة ليهم :”مسك و الاتجار في المخدرات “، “المشاركة في ترويج المخدرات وتصدير المخدرات”،” محاولة تصديرها الى الخارج عبر البحر بدون رخصة”.
الملف غادي يكبر والقضية غادي طيح ريوس كبار بعد ورود أسماء بعض المروجين المعروفين في سيدي رحال الشاطئ و لي تاي يصولو و يجولو أمام اعين السلطات و تاي يبيضو أموال المخدرات عن طريق أشخاص معروفين في القبيلة بلاما يسولهم شي حد من أين لك هذا . و البعض منهم تربطهم علاقة بمنتخبين في الجماعة اللي تاي خدمو غي في العقارات لي ما محفظاش و البناء العشوائي باش يسهل عليهم تبييض الفلوس .
قاضي التحقيق ببرشيد غادي يعقد أول جلسة للبحث التمهيدي نهار الإثنين الجاي ، حيث سيتم استعراض الأدلة والشهادات المقدمة واتخاذ القرارات القانونية المناسبة بناءً على النتائج اللي غادي توصل ليها للتحقيقات.
.